Switch to your country?

Ráðgjöf frá hjartanu

Upplifið acredo gæðin

Þú finnur okkur í nágrenninu

Acredo merkið er fáanlegt í meira en 90 verslunum í 16 löndum. Verslanirnar eru flestar í Þýskalandi, Sviss og Austurríki. Við erum aldrei langt undan.

Samstarfsaðilar okkar eru sérfræðingar í giftingarhringum, trúlofunarhringum og skartgripum. Þeir eru sannir fagmenn í þessum dásamlegu efnum.

Það er okkur ánægja að gera þessa þekkingu aðgengilega fyrir ykkur. Metnaður okkar er að skapa fullkomna skartgripi með ykkur. Við hlökkum til að taka á móti ykkur

Við höfum nægan tíma fyrir ykkur

Að skapa skartgrip krefst mikillar fagmennsku og sköpunargáfu en einnig mikils tíma.

Þar sem við leggjum mikið upp úr því að skilja ykkar einstaklingsbundnu aðstæður og kröfur þá mun ráðgjöf okkar taka a.m.k. eina klukkustund. Takið þann tímaramma með í reikninginn þegar þið áformið heimsókn til okkar svo ráðgjöfin geti orðið að upplifun fyrir ykkur.

Með hjálp nýstárlegrar hönnunartækni þróum við með ykkur hringa og skartgripi. Þið munuð ekki aðeins fá raunsannar myndir af gripunum heldur er verðið alltaf sjáanlegt í hverju skrefi. Þess vegna munuð þið alltaf hafa gott yfirlit.

Og ef við þurfum að vinna hratt þá lítum við á það sem áskorun

Innblásið úrval stílbrigða

Allar acredo línur veita ykkur innblástur fyrir einstaklingsbundnum hringum og skartgripum

Samstarfsaðilar okkar eru með breitt úrval sýnishorna í verslunum sínum sem veita ykkur fullkomna yfirsýn á möguleikana. Gimsteinarnir glitra í sýningarskápunum.

Þið munuð finna skartið sem fellur fullkomlega að persónulegum stíl, frá látlausu yfir í glæsilegt eða svalt. Eða skoðið hringa með demantsböndum, hágæða platínu og afbragðsdemöntum. Hringasett eru einn af sérstökum styrkleikum acredo. Notið samsetningu trúlofunarhrings, giftingarhrings og memoire hrings frá byrjun.

Flettið breiðu úrvalinu til að velja eftirlætisgerðirnar ykkar. Komið til okkar í þægilega sýningaraðstöðuna og fáið áþreifanlega tilfinningu fyrir skartgripunum.

Við teljum mjög mikilvægt að þið fáið tilfinningu fyrir skartgripunum á meðan á ráðgjöfinni stendur. Því ánægjan af að bera gripina veltur á góðri tilfinningu.

Hringasnið sem þægilegt er að bera á fingri

Sniðið er mikilvægur þáttur svo hringur fari þægilega á fingri. Með sniði er átt við þverskurð hringferilsins.

Yfirlit okkar um snið hringa sýnir mikið úrval forma, sem eru ýmist kúpt, íhvolf eða bein. Öll acredo snið eru hönnuð til að vera þægileg og allar brúnir eru renndar.

Hvert snið hæfir sínum aðstæðum. Tilfinning fyrir hring er mjög misjöfn eftir breidd hans og hæð. Hvert snið er því fáanlegt í mörgum breiddum. Prófið mismunandi breiddir til að finna hvað hentar best.

Hafið í huga að hlutföll ættu að vera í jafnvægi m.t.t. fingranna. Breidd hrings er einnig háð því hvort hann eigi að bera stakan eða með fleiri hringum á sama fingri.

Athugið líka að jafnvel á giftingarhringum þarf snið ekki endilega að vera það sama á hring konunnar og karlsins. Ráðgjafar okkar munu skýra þetta nánar með ánægju.

Fullkomin mál hringanna

Acredo samstarfsaðilarnir eru með hringastærðarmál með mismunandi sniðum sem notuð eru til að ákvarða réttu hringastærðina.

Mikill munur er á beinu sniði að innanverðu og því sem er íhvolft. Íhvolft rennur frekar á fingri en beint síður.

Líta þarf á breidd hringprófílsins og hlutföll fingursins þegar stærðin er ákvörðuð.

Við höfum alla þessa þætti í huga þegar við ákveðum saman hringastærðirnar með ykkur. Samtarfsaðilar okkar eru búnir margvíslegum mælitækjum til að ráðleggja ykkur af nákvæmni. Lokaákvörðunin er alltaf ykkar

Næstum ekta - sýnishorn hringa

Hönnunarforritið opnar á ótrúlega möguleika. En það gerir einnig kröfur til ykkar sem viðskiptavinar um að taka margar ákvarðanir. Þið ákveðið hæð, breidd, lit, stærð, steina o.s.frv. Sumar ákvarðanir eru auðveldar en aðrar eru erfiðari.

Hjá acredo bjóðum við hringasýnishorn sem hjálpa ykkur eins mikið og kostur er í ákvörðunarferlinu og forða allri óvissu.

Hringasýnishornin eru úr silfri og hafa sömu lögun, breidd, hæð og stærð eins og draumahringarnir, sem gerir ykkur kleift að fá fullkomna tilfinningu fyrir hvernig er að bera þá.

Það tekur okkur u.þ.b. 14 daga að búa sýnishornin til. Hafið það í huga í ykkar áætlunum. Verð sýnishornanna er svo hægt að draga frá sjálfri hringapöntuninni.

Ef óskað er eftir viðbótum eins og raufum, steinum, yfirborðmynstrum eða áletrunum þá er það einnig hægt gegn aukagjaldi.

Ef ykkur finnst einhverra breytinga þörf af fenginni reynslu af sýnishornunum, þá munum við verða við því með ánægju

Afhendingartími

Hver einasti acredo hlutur er sérsmíðaður á verkstæði okkar.

Við þurfum því frá tveimur til fimm vikna til að ljúka smíðinni. Tímalengdin veltur á tegundinni en einnig á pantanastöðunni hjá fyrirtækinu.

Um leið og þið hafið pantað hringana og greitt inn á pöntunina þá er hún send rafrænt samtímis í framleiðsluröðina. Þetta er einn af helstu styrkleikum okkar. Pöntun ykkar verður búin til, yfirfarin og send til acredo samtarfsaðilans - nákvæmlega samkvæmt ykkar útfærslu, þar sem þið getið þá nálgast draumaskartgripina ykkar.

Ef þið kjósið að láta útbúa hringasýnishorn fyrst, þá lengist afhendingartími um tvær til fjórar vikur. Við mælumst því almennt til þess að viðskiptavinir okkar áætli tímann ríflega.

Hinsvegar, ef þörf krefur þá getum við látið ýmislegt gerast. Eftir allt saman, þá snýst þetta um ástina

Tímasetningar og áætlanir

Það er okkur mikilvægt að geta veitt viðskiptavinum okkar ítarlega og faglega ráðgjöf. Við erum til þjónustu reiðubúin með ánægju. Þess vegna hvetjum við ykkur til að gera ráð fyrir nægum tíma í ráðgjöfina.

Ef þið viljið panta viðtal þá er hægt að ganga frá því við acredo samstarfsaðilana fyrirfram. Við mælum sértaklega með viðtalspöntun með fyrirvara fyrir kvöld og helgar.

Einn af ráðgjöfum okkar mun taka frá ríflegan tíma til að ræða við ykkur um allt sem skiptir ykkur máli í smáatriðum. Þannig munum við smátt og smátt þróa skartgripina ykkar í sameiningu

Hringabrúðkaupið

Skapandi hönnunarferlið með hönnunarforritinu er sannarlega mjög sérstakt.

Augnablikið þegar þið haldið á ykkar persónulegu hringum eða skartgripum í fyrsta skipti er jafnvel enn sérstakara.

Við höfum oft upplifað tilfinningarík augnablik í verslunum okkar. Það er þess vegna sem við tölum um þetta augnablik sem hringabrúðkaupið.

Við viljum að hringabrúðkaupið verði að upplifun fyrir ykkur. Þess vegna biðjum við ykkur vinsamlega að taka í þetta tima. Best er að panta tíma fyrirfram til að tryggja ykkur sem mest næði til að velta fyrir ykkur draumaskartgripunum og finna fyrir táknrænni orku þeirra. Tilvalið getur verið að staðfesta pöntunina við þetta sama tækifæri

Acredo askjan

Framsetning og varðveisla á skartgrip verður að vera við hæfi. Acredo askjan var sérstaklega búin til í þeim tilgangi.

Gullnir og ljósbrúnir tónar umlykja skartið sem nýtur sín á miðju sviðinu. Efnið er notalegt viðkomu. Það er mjúkt og sem flauel viðkomu og veitir skartgripnum bestu mögulegu vörn.

Að auki og til frekari varðveislu fylgir lítill geymslupoki fyrir giftingarhringinn. Á vottunarskírteininu eru mikilvægar ráðleggingar um viðhald og umhirðu skartgripa.

Lúxus sem endast skal ævilangt

Finnið eftirlætisgripinn

Finnið næstu verslun


www.acredo.is uses cookies on this website to enhance the user experience and provide the best possible service. We also use third party cookies. For details see our privacy policy.